Нийтлэл

Түүнийг гэх дурсамж номын тэмдэглэл

Энэ яг үнэндээ дурсамжийн тухай ном биш юм. Харин өнгөрсөн бүхнээ ялан дийлэх гэж хичээж буй ялалтын тухай ном юм.Амьдралыг ч асуудлыг ч амаргүй харилцааг ч даван туулж, эрчлээс зангилааг нь тайлах гэж хичээж буй хувь заяаны бяцхан тэмцлийн түүх юм.  Бас гайхалтай романтик хайрын түүх. Магадгүй энэ зохиолоор кино бүтээгдвэл сая сая хүмүүсийн сэтгэлд хүрэх нь дамжиггүй. 
Кенна анх удаа охиныхоо зургийг харах тэр мөч үнэхээр сэтгэл хөдөлгөм, нулимс дуслуулам байсан. Яг л түүний хажууд хараад сууж байгаа мэт мэдрэмж авсан шүү. Эх хүн болохоор ч тэр юм уу үр хүүхдээ өдөр бүр харж ,өдөр бүр үнсэж хайрлаж чаддаг байх нь ямар их завшаан болохыг мэдэрсэн. Болдог бол Кеннагийн нулимсыг нэг ч гэсэн удаа арчиж өгмөөр .Уй гуниг ганцаардлынх нь ганц хань аль хэдийн хорвоог орхисон амраг хайрт нь байна гэхээр ямар өрөвдөлтэй вэ? Ямар аймшигтай вэ? 
Түүнд үнэнийг өчих зүйл үзэг цааснаас өөр байгаагүй. 
Өчиггүй тэд ч бас  дуулгавартайгаар түүний үгийг шингээсэн. Хожим нь хойно үнэнийг тэд өөр бусдад илчилж чадсан гавьяатай. Магадгүй тэр гавьяа нь Скотти байсан байх гэж боддог юм.
Лежер түүнд "Бүхий л байшин үндсэндээ адилхан буюу дам нуруу, гипсэн хана, банзнаас бүрддэг.Гэхдээ дээвэр ханатай байлаа гээд байшин гэр болдоггүй. Харин доторх хүмүүс нь байшин гэр болгон хувиргадаг.Харин миний хүмүүс бүгд энд байна" гэж хэлдэг. 
Энэ үг чухамдаа орон байр, гэр бүлийн тухай хэлхээс гадна хүний сэтгэлийн бүрэн бүтэн байдлыг давхар илэрхийлж байгаа юм.Бүх хүн л мах цуснаас бүрдсэн нэгэн бодгаль бие боловч хайртай хүмүүстэйгээ хамт байж гэмээн жинхэнэ хүний амьдралын аз жаргалыг мэдрэх ёстой ажээ.  Нэг л эхлүүлсэн бол нүдээ ч салгалгүй уншиж дуусгамаар сайхан ном байлаа. 

Төгсгөл нь бүр сайхан....Яг л бидний хүсдэг шиг ...
Doogii Eyre

343924618_1930848187275355_4072424009960992894_n.jpeg

Түүнийг гэх дурсамж номын тэмдэглэл

ТҮҮНИЙГ ГЭХ ДУРСАМЖ ном уншсан сэтгэгдэл

ЖАРГАЖ, УЯРЧ, УХААРЧ, УЙЛЖ УНШЛАА. ҮНЭХЭЭР ХАЙР ГЭЖ ЯМАР АГУУ ЮМ БЭ. ХАЙРААР ДҮҮРЭН БАЙГААДАА МАШ ИХ ТАЛАРХАЖ БАЙНА.

Яагаад ч юм энэ номыг уншаад их л сэтгэл минь хөдөллөө. Ном унших дуртай хүн бүр унших ёстой номын жагсаалтад шууд л орох байх гэж найднам.
“Түүнийг гэх дурсамж” номоос хорвоо ертөнц дээр оршиж байдаг хоёр төрлийн гайхамшигт хайраар зүрх сэтгэлээ хөглөж дуусгалаа.

1. “Үнэн хайр сэтгэл дэргэд байхгүй ч сэтгэлд оршиж байдаг” Кена, Скотт, Лежер 3-ын гайхамшигт хувь төөрөг, хайр сэтгэлийн үүнийг илтгэх шиг
2. Эх хүн үрийнхээ төлөө юу ч хийхэд бэлэн байдаг гэх үгийн тодотголууд тус зохиолд жинхэнэ нүдэнд харагдтал буусан байх юм. Кенна охин Диемтэйгээ уулзахын тулд гаргаж буй үйлдлүүд........
Энэхүү зохиолд гарах дүр бүхэн хайрламаар сургамжийг уншигчдад өгч байгаа нь сайхан. Скоттын авдаг аяган торт ийм байсан болов уу эсвэл гээд л бодогдоод, Ингэхэд Скотт бусдыг ойлгохдоо бас асуудлыг харах өнцөг нь илүү бодитой үнэлж дүгнэж чин сэтгэлийн зөөлгөөг найздаа өгөх нь гайхалтай.
Бас аялагч ээжийн хэнэггүй ч юм шиг дүр хамгийн чухал үед 29 настай хүүгийнхээ өмөлзөн хэлэх үгииг сонсоод , хүүгээ тэврээд тайвшруулах үг бөөн хайр , итгэл , хүндлэл, ээжүүд сэтгэл зүрх дотроо үрийнхээ ертөнцийг тэр чигт нь тээж явдаг юм шиг.... Бас Скоттын ээж Грейсиин Кеннаг тэврээд хэлэх үгс , аргагүй л эх хүн, эмэгтэй хүнээс л тэр их хайр, ухаарал гарах байх. намайг уйлуулж бас догдлуулсан мөчүүд......
Эцэст нь аливаа зүйлийг тууштай хийх ямар үр дүнтэй болохыг уншигчдад ойлгуулах шиг Кеннагийн бичсэн захидлууд бүхний учрыг тайлж, хайртай хүн нь бурхан болсон ч гэсэн яг хажуудаа байгаа мэтээр оюун санаандаа хамт байлгах Түүнии тухай дурсамж👍
Зүрх сэтгэл гэгч эрхтэнээ аз жаргалаар ундаалж хайраар дүүргэж баясгаарай❤️Гайхалтай шүү
Энэхүү жижигхээн номд хорвоогийн бүх сайхан, муухай, гайхамшигт хайр хүндлэл бодогдуулж ойлгууллаа. Зохиолч Колин Хүүвер, Орчуулагч, Редактор гээд энэ номыг эх хэл дээр буулгахад ухаанаа уралдуулсан бүхэнд уншигчдынхаа өмнөөсгүнээ талархал илэрхийлье.
Сэтгэл хөдлөлөөр ном унших шиг жаргал үгүй билээ.
Зулаа Мнхзл

338164325_883501602742293_4663422055923295412_n.jpeg

Түүнийг гэх дурсамж

5 секундын дүрэм - Миний амьдралд хэрхэн нөлөөлсөн тухай.
Өдрийн мэнд. Групп дээр "5 секундийн дүрэм" номын тэмдэглэлийн уралдаан зарлаж байгаатай холбогдуулан энэ гайхамшигт дүрэм миний амьдралд хэрхэн нөлөөлж, хүчтэй дадлуудын минь нэг болсон тухай жижигхээн туршлагаа хуваалцах гэсэн юм.

4 жилийн өмнө би гэнэт ачаалалаа дийлэхээ больж, түүртэн олон чухал ажлуудаа хойш тавьдаг болсон байв. Угаасаа төлөвлөж, төлөвлөгөөний дагуу эмх цэгцтэй явдаг хэмнэл маань гэнэт алга болж нэг л их ядарсан хүн болж хувирлаа. Толгойд хийх ажлууд ээлжээ хүлээгээд байгаад байдаг, гэтэл миний гараас юм гарахгүй болж эхлэв. Нэг л зүйл болохгүй байгааг анзаарсан би хэдэн өдөр өөрийгөө ажиглалаа.

Гэтэл надад дараах хам шинжүүд илэрч байна.
Баахан ажил төлөвлөчөөд тэдгээртээ түүртдэг болсон,
Өөрийгөө өрөвддөг болсон,
Өөртөө нөлөөлөх чадвар минь суларч, өөртөө үнэнч биш болсон,
Тэгж байгаад хийчнэ.... Ингэж байгаад .... гэх мэт хойш тавих хандлагатай болсон,
Ажиллаж ч чадахгүй, амарч ч чадахгүй болсон байв.
Ер нь энэ бол хөгжлийн нэг төрлийн гацаа л юм. Надад 2 сонголт байсан. Гацаандаа үлдээд өдөр утмын хийдэг зүйлсээ хийгээд явдаг нэгэн болох, эсвэл энэ гацаанаасаа гараад хувь хүнийхээ хөгжилд Level Up хийх.
Надад буцах, нэг газраа удаан зогсох сонголт байж болохгүй. Яагаад гэвэл би өөрийн амьдралын хэв маяг буюу энэ хорвоод хэрхэн амьдарч туулахаа тодорхойлсон, зорилготой учраас урагшаа явах ёстой. Гэхдээ яаж???

Яг үүн дээр миний сониуч зан минь намайг шөнийн 2 цаг хүртэл интернетийн ард суулгасан. Яг юу хайгаад байгаагаа мэдэхгүй ч ямар нэгэн зүйл хайж байсан. Хайсан зүйлээ олсон маань Мел Роббинсын "5 секундын дүрэм" номын тухай бичвэр байлаа. Номыг бүхэлд нь уншаагүй ч интернетээс англи хэл дээр номын гол санаа, аргачлалыг бүх сурвалжаас хайж олж уншаад, энэхүү аргыг амьдралдаа хэрэгжүүлсэн хүмүүсийн үр дүнг уншаад шууд л өөр дээрээ хэрэгжүүлэхээр шийдсэн. Маргаашнаас эхлээд аливаа зүйлийг хийе гэж бодсон л бол шууд "5, 4, 3, 2, 1" буюу 5 секундын дотор үйлдэл хийгээд явсан.

Мэдээж, эхлээд тийм амар байгаагүй. Юу хийгээд өөрийгөө ингэж зовоож байнаа гэж боддог л байлаа. Гэхдээ энэ дүрмээр үйлдэл хийснээр үр дүнгүүд шууд харагдаад эхэлсэн тул урам авч, өөртөө эерэгээр нөлөөлж эхэлсэн.
Ухамсартаа энэ 5 секундэд багтаан үйлдэл хийх ёстой гэдгээ программчлаад ирэхээр сүүлдээ дадал болдог юм билээ.

Өнгөрсөн 4 жилийн хугацаанд өнөөдрийг хүртэл энэ энгийн гайхамшигтай "5 секундын дүрэм" надад дараах байдлаар нөлөөлж, миний дадал хэвшил болсон:
Аливаа эргэлзээнээсээ салсан,
Өөртөө нөлөөлөх чадвар маань нэмэгдсэн,
Цагийн юмыг цагт нь хийдэг болсон тул хувийн бүтээмж нэмэгдсэн
Амьдралаа хяналтандаа бүрэн авсан. Ингэснээр амьдралын бүх талбаруудаас нэн чухал талбаруудынхаа тэнцвэрийг барьж чаддаг болсон
Илүү зоригтой болсон. Дургүй, хүсэхгүй зүйлээ мартаж чаддаг, бас "Үгүй" гэдэг үгийг эелдгээр хэлчдэг болсон,
- Өдөр тутмын жижиг атлаа биднийг том алдагдалд оруулдаг жижиг залхуурлуудаас салсан,
- Илүү хурдтай болсон,
- Хэрэггүй олон санаа зовнилуудаас салсан,
- Өөрт минь, амьдралд минь, ажилд минь, хүүхдүүдэд минь хэрэгтэй л гэж бодсон бол шууд шийдвэр гаргадаг буюу шийдвэр гаргах чадвар минь сайжирсан,
- Төвлөрөл сайжирсан....гэх мэт

Надад, танд хэрэгтэй зүйлс хажууд л байдаг юм билээ. Энэ ном бол уншсан хүндээ үр дүнгээ шууд өгдөг ном. Гол нь уншсан бол зүгээр сонирхоод унших биш, өөр дээрээ туршаад үзэх хэрэгтэй. Үйлдэл... үйлдэл.... бас дахин үйлдэл..... Таны гайхамшигт дадал хэвшил болно.

Шинэ жил, цагаан сараар энэ номыг бэлгэнд өгөх хэрэгтэй гэж би боддог шд... Хийх ажлаа олж ядсан, гиюүрсэн, өдөр тутмын жижиг залхуурлаасаа болоод байнгын жингүйдэж амьдраад бүтээмжгүй, бодит үр дүн гаргахгүй байгаа хүмүүст тун хэрэгтэй ном.

Би өөрийн сургалт болгоныхоо дундуур яаж ийгээд энэ "5 секундын дүрэм"-ийн тухай ярих дуртай. Нэг хүн ч гэсэн хэрэгжүүлээсэй гэсэндээ...
"5 секундын дүрэм"-ийг хэрэгжүүлснээр өнгөрсөн 4 жилийн хугацаанд олон ч том ажлуудын ард гарч, амьдралаа хөнгөн болгосон.
Хэрэгтэй ном хэрэгтэй үедээ л гарсан шүү. Хүн өөртөө таалагдснаар амьдрах аргаа өөрөө хайж олдог, түүнээс хэн нэгэн хүн бараг л зааж өгөхгүй.
2022.11.29
Khandaa Batkhand Gerel


5CC1FA10-A18C-4BD6-AAA6-F3C1E74E21B4.JPEG

5 секундийн дүрэм - Миний амьдралд хэрхэн нөлөөлсөн тухай.

5 секундийн дүрэм номын тэмдэглэл 
Мел Роббинс

Энэ бол 5...4...3...2...1... Урагшаа уриагаар бодит өөрчлөлт оруулах аргачлалтай ном билээ.
5 хэсгээс бүрдсэн.
🚦🚦🚦 5 секундын дүрэм : Таныг өөрчлөх хэн нэгнийг хайж байвал толинд харна уу бүх зүйл таниас шалтгаална 5..4..3..2..1.. гээд л урагшаа бодол хүсэл хийх гэж буй ажил хурал цуглаан зөвөлгөөн бүгдийг амжуул ,дасгал хөдөлгөөн хоолоо хийх сонголт бүр таны гарт завхөн тоол тэгээд л шийдэгдэнэ .
Мелийн номыг уншаад хэрэгжүүлсэн сэтгэгдэл хуудас бүрт байгаа нь бодит үнэнг мэдрүүлсэн би өөрөө ч хэрэгжүүлж эхэлсэн өглөө босоод л хэрхэн шийдвэр гаргахаас эхлээд байгаа юм даа.
🚀🚀🚀Эр зоригийн хүч :Эрч хүчээ хаанаас авдаг юм бээ гэмээр хүмүүс байдагдаа тээ яг пуужин шиг нэг харахад гэртээ нэг харахад ажил дээр цэцэрлэг орой нь гэртээ энэ бүгд амжуулах гэсэн 5 секундын урианд өөрийгөө сэргээж шууд л ажлыг гүйцэтгэдэгт байгаад байна
💝💝💝Эр зориг таны зан авирыг өөрчилнө:Эерэг нөлөөлөл зан авир нь цаанаашаа л урсгал ус шиг л сайхан хүмүүс байгаад байдаг энэ чинь шийдвэрээ шуудхан л зөв гэж үзээд үйлдлээ хийдэг хүмүүс байх нь .5-4-3-2-1 өөрийгөө хүчлэх 5хан секунд байхад хангалттай дасгал хиймээр байвал пүүзээ өмсөөд шуудхан гараад гүйх, муухай аашлах гээд байвал өөртөө 5хан секунд төвлөр эрүүлжих дургүй хүн гэж байх уу зүгээр л бүхнийг хийж эхэл гүйцээ
👍👍👍👍Эр зориг таны оюун санааг өөрчилнө: Энэхүү дүрмийг яагаад 5 секундийн гэж нэрлэв хэрэгжүүлэхэд хялбар хүнээс үл хамаарах өөрт төрөх бодол нь тэрхүү хугацаанд 2хон бодол л орж ирнэ хийх үү болих уу гээд л шууд эхэлж болох амархан аргачлал билээ.Оюуны чадамж гээд нээх сүр сүр юм байхгүй бүхний эхэлж байхад замдаа зөв буруу нь 2 тийш ялгардаг билээ.
🎓🎓🎓Эр зориг бүхнийг өөрчилнө:
Таван секундийн дүрэм бүхний суурь байж чадлаа бодитоор би хэрэгжүүлж эхэлсэн чадахгүй гээд хойш суулгүй өөрийхөө чадлаар ч болов эхэлж дунд нь шантрах гээд байвал яагаад эхэлсэнээ санадаг Мелийн олон бодит үр дүнг хараад гайхан биширч номоо уншлаа.Сурахад хэзээ ч оройтохгүй , хөгширсөн гэж бүү өөрийгөө гол залуу гэж цаг нь болоогүй хэмээн бүү өөрийгөө хорь энэ цаг хугацаа бүгд таных амьдрал БАЯЛАГ 👉👉👉5...4...3...2...1...УРАГШАА Go Go Go
Амарцэцэг Гантөмөр

6D25AFFC-9CDD-4A6A-827B-3F80233E925C.JPEG

5 секундийн дүрэм номын тэмдэглэл 

Эрт босож сурахын тулд
⚡ эртэч дадлыг яагаад хэвшүүлэх ёстой вэ гэдгээ сайн ойлгох (бие махбод болон сэтгэл зүйн талаас танд ирэх өгөөжийг олж мэдэх)
⚡ тогтмол цагт унтаж, тогтмол цагт босох цагаа зөв тодорхойлох (22 цагаас өмнө унтвал маш сайн, насанд хүрэгчид дунджаар 7-8 цаг унтаж амрах)
⚡ унтах, босох цагаа л өөрчилж байгаа хэцүү биш гэж бодох, илүү зөв дадалтай болохын тулд хийж буй багахан өөрчлөлт
⚡ оройны хоолоо зөв тохируулах (хэт их идэх нь нозоорлыг нэмдэг)
⚡ эрт боссон өдрүүдээ эрт босоогүй өдрүүдтэйгээ харьцуулан харах, сэтгэл санаа, бүтээмжид ямар ялгаа гарч байгааг анзаарч, илүү сайн руу тэмүүлэх
⚡ би шөнө л бүтээмжтэй байдаг гэдэг буруу бодлоосоо салах, эрүүл мэндээрээ бүтээмжээ золиослох нь үнэхээр зөв үү? Хүн байгалийн амьтан байгальтайгаа л зохицож амьдрах ёстой гэдэг үнэнийг хүлээн зөвшөөрөх, яагаад өглөө нар мандаж, орой жаргадаг вэ?
⚡ Эцэг эхчүүд маань эхлээд өөртөө дадал болгоход анхаараарай. Хүүхдүүдийг алгасаарай, тэд маань өсөж бойжих ёстой, тэдний унтаж амрах цаг илүү урт. Та өөрөө зөв дадалтай байхад "алим модноосоо хол унахгүй" гэдэг үгийг санаж явахад болно доо.
эдгээрийг их хөнгөхөн ойлгож, сэдэл авч, хэрэгжүүлэхэд тань Өглөөний гайхамшиг цуврал номууд тусална.
Амьдралын өдөр тутмын буруу хэв маяг, зуршил таны эрч хүчийг бага багаар сорсоор, эрүүл мэндийг тань алдагдуулсаар байдаг юм шүү, тиймээс засаарай.

Нийтлэгч: Д. Гэрэлмаа 

E41764F5-1D6B-48CE-99DF-B858B58D9BDE.JPEG

Эрт босож сурахын тулд

Гэртээ хүүхдээ харж байгаа ээжүүдийг
уншаасай гэж боддог ном бий. Унших өөрөө түвшинтэй байдаг мөн цаг үеэсээ хамаараад юу суралцах вэ гэдэг их өөр.
Гэртээ хүүхдээ өсгөх явцад үр хүүхдээ хараад хайрлах, баярлах бахдах сэтгэл төрөхөөс гадна сэтгэл санаагаар унах, нэг юмнаас дутаад байгаа юм шиг мэдрэмж авах, сошиалаар яваад байгаа гоё сайхан бүсгүйчүүдтэй өөрийгөө харьцуулах, юу хийгээд байгаагаа ойлгохгүй байх, гэрийн ажлаас залхах гээд түм буман үйлдэл, бодол төрж байдаг.

**Бүсгүй минь, нүүрээ угаа ном** уншихад хөнгөн, хөгжилтэйгөөс гадна өөрийгөө харьцуулахгүй байх, гоё сайхан, лаг гэж харагддаг зүйлийн хөшигний ардах үнэнийг олж мэдэхэд тусалдаг. Өө тийш дээ нээрээ, гээд өөрийгөө шүүмжлэхээ больдог. Энэ жижиг юм шиг боловч таныг цаашид зөв зүйл дээр төвлөрөхөд, бодол тань эерэг байхад тусална. Амазоны бестселлерийг 2 жил тэргүүлсэн ном билээ. Цаг үеийн хэрэгцээ шаардлагаас хамаараад номын хүнд өгөх өгөөж өөр байдаг.

**Хөөрөх мөч **номыг уншвал дэлхийн эмэгтэйчүүд адилхан асуудалтайг ойлгож харна, зарим нэг кейс нь сэтгэл эмзэглүүлэх ч үнэнийг мэдэх өөрөө их чухал. Аан манай нийгэм гайгүй юм байна, би болохгүй зүйлдээ төвлөрөөд байгаан байна гээд өөрийгөө засаж залруулж эхэлнэ.
Хаа нэг өдөр гэр бүлийн бусад гишүүдэд үр хүүхдээ даатгаад өөртөө унших, суралцах цагийг гаргаарай. Энэ дараа дараагийн харилцаа, хандлага, таны өөртөө итгэх итгэлд их тустай. Ээж хүн сэтгэл зүй болон бие махбодийн хувьд эрүүлж байж байж л үр хүүхдээ өсгөнө, тэднийгээ чиглүүлнэ, хамтдаа өтөлнө. Эрчүүд маань бас дэмжээрэй, гэр бүлийнхээ төлөө, өөрсдийнхөө сайн сайхны төлөө.

Нийтлэгч: Д. Гэрэлмаа 

395054954_2609982532494421_4177381338474030758_n.jpeg

Гэртээ хүүхдээ харж байгаа ээжүүдийг

Би юу сурсан бэ? товчхондоо

Энэ номыг уншаад юу сурсан, юу ойлгосон цаашдын үйл хэрэгт маань хэрхэн нөлөөлж байгааг товчхон хуваалцъя!

1. Номын зохиолч Куинси Жонс гэдэг эрхмийг шүтэж амьдаръя гэмээр л үүх түүхтэй, гавьяа шагналтай хүн юм билээ. Грэмми Авардсын шагналд 80 удаа нэр дэвшсэн, харин 28 удаа тус шагналыг хүртсэн домогт уран бүтээлч. Алдарт Майкл Жексоныг урлагийн салбарт хөл тавихад нь чиглүүлж байсан эрхэм юм билээ. Хамгийн гол нь манай улсад энэ шагналд нэр дэвшиж байсан хэдэн хүн байдаг юм болоо гэсэн асуулт гарсан.
2. Сонсох дуртай, бас л дэлхийн од Weeknd энэ номын өмнөх үгийг бичсэн байсан. Залуу үеэ хөлийг нь дөрөөнд хүргэхэд тусалдаг сэтгэл нь өнөө дэлхийн одыг номын эхний хуудсанд үгээ, сэтгэлээ хуваалцахад хүргэжээ. Ийм л хүний үгийг сонсохгүй бол болохгүй гэдэг сэтгэлээр номоо шунан дурлан уншсаан. Үнэхээр хайр дүүрэн, үнэн бас сэтгэл хөдлөлтэй хуудсууд байсан. Хүн гоё сайханд татагддаг ч хатуу бэрх зүйлс л хүнийг хүн болгож хатуужуулж илүү дээшээ өсгөдөг үү гэж бодмоор.
3. Хүүхэд насны амьдралаасаа хуваалцсан нь ямар их зүйлийг бодогдуулав аа. Ээж нь бага байхад нь сэтгэл зүйн өвчнөөр өвдөж хамт байгаагүй нь үр хүүхдэд нь ямар том сэтгэлийн, хайрын орон зай үлдээснийг уншаад нулимс дуслуулахгүй байж чадаагүй. Ээж аав бүр эрүүл байж, өөрийгөө хайрлаж урт удаан наслаасай гэж бодогдсон.
4. Ялгаварлан гадуурхагддаг нийгэмд унаж боссоор өнөөгийн амжилтаа бүтээснийг нь хараад өнөө бидний зовлон гэдэг зүйл юу билээ гэж бодмоор. Гадуурхагдсанаасаа болоод оршуулгын газар хоног төөрүүлдэг байсан гэх үг өгүүлбэр өнөөдөр ч бодоход гашуун байна.
5. Олны таалалд нийцнэ гэж хэзээ ч байхгүй шүү тиймээс хийнэ гэснээ зүгээр л хий гэжээ, залуу байхаар залуу хүн ш дээ туршлагагүй, энэ бид хоёр юу чаддаг юм бэ гэж хүмүүс тавладаг бол хөгшрөхөөр хөгшин төгцөг гэдэг. Тэгэх тусам өөртөө итгээд хийгээд байгаарай л гэсэн байна лээ. Тийм дээ ч энэ хүн ковидын хөл хорионы үеэр зүгээр биш зүлгэж суугаад төгөлдөр хуурын онлайн хичээлээ 2 сая хүнд борлуулж чаджээ.
6. Нас бол тоо гэдгийг өнөө энэ номоороо ойлгуулж буй нь хийж бүтээхээс өөр сонголт үгүй шүү л гээд байсан. 45 гараад л тэтгэврээ хүлээдэг хүмүүс олон байдаг нь анзаарагдсан, одоо тэдэн жил ажиллачихвал тэтгэвэртээ гараад сайхан суунаа гээд л ... тийм биш гэдгийг илүү мэдэрнэ, тиймээс номыг бүтнээр нь заавал уншаарай.
7. Үргэлж өөрийгөө цэнэглэж өөрийгөө дасгалжуулж сураасай гэж зөвлөсөн зөвлөгөө бас гоё. Мэдээж энэ санааг та мэддэг ч энэ хүний амьдралын түүхтэй холбоод бодож тунгаавал илүү гүн гүнзгий ойлгоно.
8. Хүн хэрэгтэй мэдлэг мэдээлэл, санаа авчихаар хамгийн хайртай хүмүүсээ боддог доо. Би лав хоёр хүүхэддээ л уншуулъя гэж бодсон. Хүний тэсвэр тэвчээр, хатуужил ямар гайхалтай байдгийг мэдрээсэй, хүн хаанаас босож ирдгийг ойлгоосой, хичээн хөдөлмөрлөвөл юунд ч хүрч болдгийг хараасай гэж бодсон. Би яриад өгөх нэг хэрэг харин өөрсдөө цаг гаргаад уншаад тэр бүх үг өгүүлбэр, агшин мөчийг мэдрээд ойлгоно гэдэг тэс өөр зүйл юм.
9. Нягт нямбай, хариуцлагатай, хийх ёстойгоо яс хийх нь дараа дараагийн боломжийг танд авчирдаг гэдгийг дэлхийн одуудтай хамтран ажилласан ажлуудаараа тайлбарласан байсан. Эдгээрийг уншаад юм бодохгүй, нягт нямбай байх гэж хичээхгүй бол тэгээд өөрөө өөртөө л гомдохоос гэж бодтол бичсэн байв.
10. Томоор мөрөөдөж том зорилго тавьж түүнийхээ төлөө хичээн хөдөлмөрлөх нь чухал шүү гэдгийг бас хэлнээ хэлнээ. Аялал, аяллын амт, аялал чамд юу өгдөг гээд гоё гоё санаа оноо их бий. Бүхэл бүтэн номыг тэр чигт нь бичнэ ч гэж юу байхав угаасаа. Зориулалт гаргаад авч уншаарай. Өөрөө тэмдэглээд хаа нэг эргэн харж өөртөө сануулж байгаарай. Би маш олон тэмдэглэгээ хийсэн. Тэдгээрээ өнөөдөр сэргээн харангаа хуваалцахыг хүслээ.

Миний хайртай ном болсоон. Аав ирээд зөвлөөд байгаа юм шиг тийм гоё мэдрэмж, сэтгэл байлаа. ✨⚡🫶 Номын цагаан буян гэдэг нээрээ үнэхээр буян юмаа.

Бичсэн: Д. Гэрэлмаа 

362294909_2546938938798781_1823843083910869883_n.jpeg

12 НООТ 

Хайртай хүмүүстээ ном бэлэглэмээр байдаг, хэнд юу бэлэглэвэл тохиромжтой вэ
⚡Хайртай залуудаа, нөхөртөө өгөх ном -Мятаршгүй
⚡Хайртай бүсгүйдээ, хайртай эхнэртээ өгөх ном - Хөөрөх Мөч
⚡Дуугай хүнд өгөх ном - Дуугай
⚡Ажил хэрэгч найздаа өгөх ном - Ажлын Дүрэм
⚡Хайртай охиндоо өгөх ном - Малала
⚡Хайртай хүүдээ өгөх ном - Өглөөний гайхамшиг оюутан
⚡Удирдах ажил хийдэг найздаа - Зөвлөх Урхи
⚡Бараа таваар борлуулдаг хамтрагчдаа - Халдвартай
⚡Төвлөрөх дуртай найздаа - Гүн үйл
⚡Бяцханууддаа - Доктор Сьюзийн Малгайтай муур, Гринч
⚡Унтаахай найздаа - Өглөөний гайхамшиг
⚡Амвэйчин найздаа - Эгэл Рич
⚡Бясалгал, иогт дурлагчид - 10% илүү аз жаргалтай
⚡Бизнес эрхлэгч найздаа - Өглөөний гайхамшиг энтрепренер
⚡Үрэлгэн нэгэнд - Саятан Хөрш
⚡Юм юмыг хийчих гээд үздэг хүнд - Гайхамшгийн томьёо
⚡Гэртээ хүүхдээ хардаг ээжид - Бүсгүй минь, уучлал гуйхаа боль
⚡Технологийн салбарынханд - Амазон шиг сэтгэ
⚡Шоучин найздаа - Өөртөө саад бүү хий
⚡Карьер ахиж буй найздаа - Манлайллын шилжилт
⚡Үг яриагаа цэгнэдэггүй нэгэнд - Дөрвөн хэлцэл
⚡Бусдыг гээд өөрийгөө мартдаг эмэгтэйд - Өөрийгөө хайрла
⚡Маргааш нь дуусдаггүй нэгэнд - 5 секундийн дүрэм
⚡Хайрладаггүй мөртлөө хайрыг ихээр хүсээд байгаа хүнд - Хайрлах урлаг
⚡Ээж аав болохоор бэлтгэлээ хангаж буй гэр бүлд - Бид жирэмсэн
⚡Дэлхийн шилдэг бүтээл унших дуртай нэгэнд - Гашуун ч амттай
⚡Урам зориг, хүсэл тэмүүлэл хэрэгтэй байгаа нэгэнд - 12 Ноот
⚡18+ ном уншмаар байгаа хүмүүст, эсвэл хайрын романст дуртай хүмүүст - Түүнийг гэх дурсамж
⚡21+, аймшгийн ном уншмаар байвал Верити
бэлэглээрэй гэж санал болгоё.


367447903_7224570977571714_5730889641469447472_n.jpeg

Ном бэлэглэхдээ 

Хүүхэд байхад Меланхолик гэдэг үгээс их айдаг байлаа. Бие биенээ меланхолик гэж их шоолж гоочилно. Энэ үгэнд харьяалагдчихгүйг ихэд хичээдэг байж дээ. Харин одоо бол уншиж суралцах явцдаа хүн бүр өөрийн ертөнцтэй, өгөгдөлтэй гэдгийг ойлгож хэн нэгнийг байгаагаар нь хүлээж авахад суралцаад л явж байна. Мөн өөрөө ч хэн нэгэнд таалагдахын тулд өөр дүр эсгэхгүй байх нь ямар амар болохыг ойлгож байна.

Хүүхэд байхдаа айж эмээдэг байсан үгээ эргэн санах тохиолыг ном надад олголоо. Өөрөө ч энэ төрөлд харьяалагдах хүн гэдгээ ойлгож таньж авлаа. Гэхдээ энэ нь тийм муу зүйл биш болохыг ч мэдлээ. Бүхий л зүйл өөрийн гэсэн давуу, сул талтай.

2022 оны шилдэг номоор шалгарсан Гашуун ч амттай

Бичсэн: Д. Гэрэлмаа

356812055_2529995523826456_3188875639970364933_n.jpeg

2022 оны шилдэг номоор шалгарсан Гашуун ч амттай

****12 НООТ номын тэмдэглэл ****
🎷Хөгжмийн ертөнцөд эргэлт буцалтгүй сэтгэл зүрхээ зориулсан ч арьс өнгөөр ялгаварлан гадуурхахын эсрэг өөрийн биеэр үлгэрлэн, халуун элсэн цөлд амь тэмцэн ургаж чадсан хатуу Заг ургамал гэлтэй. Гэсэн ч заг халуун элсэн цөлд ногооноор ургаж чаддаг гайхамшиг, дусал ч усгүй говийг цөлжилтөөс хамгаалан газрын чийгийг өөртөө татаж чаддаг бат бөх ургамал бол, Куинси хатуу хэцүү бүхнийг даван туулж бүхнийг бусдын төлөө гэсэн сэтгэл зүрхээр, өөрийгөө алдаагүй, өөрийн зүрх сэтгэлийн дуудлагыг зөв олж хөгжмийн гайхамшгийг хүн төрөлхтөнд мэдрүүлэхийн төлөө өөрийн амьдралаар Домгыг бүтээсэн Домогтон.

🎼12 ноот 🆘️12 амьдралын маань луужин боллоо. 🔶️Өөрийн амьдралын алдаа оноог, хэрхэн суралцаж, хүсэл эрмэлзлийнхээ төлөө цуцалтгүй, тууштай хөдөлмөрлөж байсан хийгээд, боломж хэзээд байдаг, юуг ч хийсэн хамгийн сайнаараа хийснээр шагнал нь ирдэг болохыг, хүн ганцаараа хэн ч биш гэдгийг, бусдыг хайрлахын давуу талыг мэдэрч, ирээдүй хойч үед маань ментор болж үлдэх энэхүү Гайхалтай бүтээлээ туурвисанд баярлалаа
![320746028_658265422722782_2550114981743304097_n.jpg](https://res.cloudinary.com/dn8v9a99m/image/upload/v1690248828/320746028_658265422722782_2550114981743304097_n_7e837a4b00.jpg)

12 Ноот  0000.jpg

12 НООТ номын тэмдэглэл 

Хамгийн сүүлд Колин Хүүвер зохиолчийн "Түүнийг гэх дурсамж" номыг уншсаны дараа дараагийн номыг нь унших хүсэл төрөөд, хүлээж ядан байлаа. За тэгээд номоо эхлүүлэв ээ.
~ Эхнээсээ авахуулаад зүрх даран уншлаа. Яая анх удаа эвгүй эхлэлтэй байлаа шүү. Энэ зохиолч өөрийн гэсэн өнгө аястай түүгээрээ алдартай болсон нь үнэхээр л аргагүй байх өө. Нөгөө "Эрт урьдын цагт ... " гэдэг эхлэл энд байсангүй. Шууд л нүдний урдуур болоод өнгөрч байгаа юм шиг үйл явдалтай. Гайхсаар байгаад л хуудсаа эргүүлсээр цагийг ч анзаарсангүй. Угаасаа зохиол уншихаар цаг бол мартагдаад байдаг юм өө. (1өдрийн дотор дуусгасан байдаг юм. гэхдээ үнэхээр эхлүүлсэн хүн бол номоо тавьж чадахгүй уншдаг юм билээ.)
~ Лоувен бол жирийн нэгэн, өөрийн үзэл бодолтой, өөрийнхөөрөө л зохиол бичдэг зохиолч гэтэл түүнийг Жерими гэх залуу дурлуулаад, бүр өөрөө ч дурлачихдаг. Гэхдээ тэр бараг санаандгүй юм шиг хэрнээ санаатай түүнтэй тааралдсан байхаа гэж бодогдсон. (Сүүлийн хэсгийг уншсаны дараа)
Тэдний хайрын романс улам гүнзгийрсээр, түүнтэй хамт дурлалт залуу болох Жеримигийн эхнэрийнх нь "Дурдатгал"-г унших бүрт ёооо үнэхээр аймар бас эмэгтэй хүн бас өөрөөсөө төрсөн үрийг ингэнэ чинээ үйлдэл гаргах бодлыг бас тээж явдаг байх нээ гээд л уур ч хүрэх шиг, зэвүү ч хүрэх шиг. Эмэгтэй хүн өөрийнхөө биеийг хайрлаж гамнаж болно, гэхдээ төрсөн үрээ хүртэл үзэн ядахаар тэгэж болдог юм уу гэсэн бодол дотрыг минь сэмлэх шиг л болсон. Ихрүүдийг бодохоор л өр өвдмөөр.
~ Лоувентай хамт айж, цочиж, уур хүрч Веритигийн өрөөнд орох бүрт нь хамт салганаастай ккк. Тэгээд бүх зүйл дууслаа гэтэл Веритигийн өрөөний шалан доор байсан захиаг уншаад энэ зохиолч яасан муухай юм бэ? л гэж бодогдсон ккк. Эртхэн энийгээ хэлэхгүй яасан юм бол гэх гээд л...
Гэхдээ тэр Веритигийн хэвлэлийн газрын зөвлөдөг бүсгүй бүр арай тэ... Яаж түүнд эсрэг дүрд өөрийгөө тавьж бичихийг зөвлөж чаддаг байнаа. Гэхдээ яахав зохиол л юм даа.
Веритигийн сүүлийн захиаг уншаад "Цаг хугацааг хэзээ ч буцааж болдоггүй учраас зөв амьдрах, өөртөө сэтгэл ханамжтайгаар, хүссэнээрээ өөрийнхөө хамгийн сайн хувилбараар амьдрах хэрэгтэй, гэр бүл гэдэг бол хамгийн үнэ цэнэтэй зүйл, бие биедээ хайртай байх хэрэгтэй шүү" гэдэг санааг өөртөө олж авсандаа.
Би бол Лоувенг Жеримигээс салах байх гэж бодсон. Гэтэл тэр тэгээгүй. Магадгүй гэдсэн дэх хүүхдээ бодсон байхаа. Зохиолчийн ур чадварыг хүндэлмээр. Дуусгаад хэрвээ тэгсэн бол.... ингэсэн бол .... гэдэг бодлуудаар дүүрэн байсан.
Сэтгэл бол цадсан шүү. Номоо уншаад шууд тэмдэглэл бичиж зүрхлэхгүй байсан болохоор одоо л бичиж сууна. Тэр үеийн мэдрэмжүүд мэдрэгдсээр... шар үс бостол мэдрэгдэж байна ш дээ.
Сүүлд нь хэлэхэд өөрсдөө уншаад, надаас өөр мэдрэмж авбал хуваалцаарай. ☺️
Дуустал уншсанд баярлалаа. Өдрийг сайхан өнгөрүүлээрэй. 

Хүндэтгэсэн Мийгаа нь...
2023.06.26 Монгол улс, Дархан хот
