Верити номын тухай 🖋 : Санхүүгийн хувьд хүндхэн байдалд орсон Эшли амьдралд нэг л тохиох ажлын саналыг Жереми Кроуфорд хэмээх нэгэн эрхмээс хүлээн авдаг. Жереми нь Верити Кроуфорд хэмээх нэр хүндтэй зохиолчийн нөхөр бөгөөд харамсалтай нь эхнэр нь осолд орсноос болж цувралаа дуусгах боломжгүй болсон байлаа. Цувралыг дуусгахад санаа өгч болох тэмдэглэлийг олохоор Лоувен Кроуфордын гэрт очих болно. Удалгүй тэр Веритигийн замбараагүй ажлын өрөөнөөс өрөөл бусдын нүдэнд өртөх ёсгүй дуртгалынх нь нооргийг санаандгүйгээр олдог. Үүнээс цааш адал явдал хэрхэн үргэлжлэх бол? 🧐 Түүнийг гэх дурсамж номын тухай 🖋: Төрөхөөс үхэхийн хооронд хүний ертөнцөд мэндэлснээрээ бид нэгэн бодлын азтай, их хувь заяатай гэх нь бий. Гэвч нүгэл буян, жаргал зовлонг цаг хугацаагаар хэмжүүлэн байж мэдэрдэг нь өрөөсгөл санагдуулах үе бишгүй. Хайртай хүнээсээ зуурдаар хагацах, эх үрийн хагацал, үр хүүхдээсээ , бас сайн найзаасаа хагацсан бүхэн~ хүн ямар их хүнд зовлон тээж амьдардагыг, гаднаас нь харахад бүх зүйл сайн сайхан мэт, багны цаана бүх зүйлээ далдалчихаад, дотоод сэтгэл нь хичнээн туухай ч хүнд зовлон тээж явдагыг, дотоод сэтгэлийн хаалгаа хичнээн давхар цоожоор цоожилчихсон явдагыг бид яахин мэдэх билээ. Гагцхүү энэ бүхнийг хүн хүнээ ойлгох сэтгэл, хайрлах хайр л нээж чаддаг болохыг Колин Хүүвэр маш энгийнээр бидэнд ойлгуулж өглөө. Олон олон шарх сэтгэлдээ тээж хэн нэгнийг үзэн ядаж яваа хэн бүхэн энэ романыг уншаасай.