Дэлхийн бүх цаг үеийн хүүхдийн номын шилдэг 10 зохиолчийн нэг төдийгүй АНУ-ын утга зохиолын салбарын нэрт зүтгэлтэн Доктор Сьюз нь өөрийн өвөрмөц хэв маягаар дамжуулж, хүүхдэд зориулсан гайхалтай бүтээл олноор зохиосон авьяаслаг зохиолч билээ. Түүний амжилтыг товчоор харвал: -Ном бүтээлээ 600 сая хувь борлуулсан, -Академийн шагнал 2 удаа, -Эмми шагналын 2 удаа, -Пийбоди шагнал, Пулитцерийн шагналыг тус бүр 1 удаа хүртжээ. Ногоон өндөг ба ногоон хиам - Аливаа зүйлийг оролдож үзээгүй байж шууд дүгнэх нь дэмий гэдгийг энэ номоор дамжуулж хүүхдэдээ тайлбарлаарай. Малгайтай муур - Гэртээ хоёулхнаа үлдсэн хүүхдүүд дээр үл таних малгайтай муур ирж, ямар хэрэг тарьсныг уг номоос багачуудад ойлгуулаарай. Чиний ирээдүй хичнээн сайхан гээч - Амьдрал бол бартаатай, зугаатай аялал болохыг хүүхдүүддээ энэ номын тусламжтай таниулж өгөөрэй. Грийнч зул сарыг хулгайлсан нь - Зул сарыг хорон санаат Гринч хэрхэн хулгайлж, дараа нь гэмээ цайруулсныг энэ номоос хүүхдүүддээ уншиж өгөөрэй. Лоракс - Байгаль дэлхийг хайрлахгүй, хамгаалахгүй бол эцэст нь юу болж болохыг тус номоор дамжуулж хүүхдүүддээ тайлбарлаарай.